УЛС ТӨРЧИЙН, УУЛ УУРХАЙН ЭЗНИЙ, ЭСВЭЛ АРХИНЫ КОМПАНИЙН ЭЗДИЙН ТВ ДЭХЬ ЗАХИРАЛ БОЛЖ, САРД 5, 10 САЯЫН ЦАЛИН АВААД

МАНАЙ ТВ ГЭРЭЭ, ТӨЛБӨР ТООЦООНЫ АСУУДЛААС БОЛЖ ЮНИВИШН КАБЕЛЬ ДЭЭР 9 ХОНОГ ГАРАХГҮЙ САЛГУУЛСАН ЮМ. БИД АШИГ ОЛДОГГҮЙ, БИ ХУДАЛДАГДСАН, ХАР МУУ ЗҮЙЛЭЭР ХӨӨЦӨЛДДӨГ СЭТГҮҮЛЧ БИШ. ЭНЭ СУВГАА АСАР ИХ ЭРСДЭЛ ҮҮРЭН БАЙЖ БАЙГУУЛСАН. НАМАЙГ ӨӨРИЙНХ НЬ ТЕЛЕВИЗИЙГ АВААД ЯВААЧ ГЭЖ ТОМ НАМЫН ДАРГА, БАС ЕРӨНХИЙ САЙД ХҮН Ч ГУЙЖ БАЙСАН. УЛС ТӨРЧИЙН, УУЛ УУРХАЙН ЭЗНИЙ, ЭСВЭЛ АРХИНЫ КОМПАНИЙН ЭЗДИЙН ТВ ДЭХЬ ЗАХИРАЛ БОЛЖ, САРД 5, 10 САЯЫН ЦАЛИН АВААД, ГАДААДАД ЗУГААЛЖ, ӨРСӨЛДӨГЧИЙГ НЬ МУУЛЖ, ӨӨРИЙГ НЬ МАГТАХ СОНГОЛТЫГ ХИЙГЭЭГҮЙ. ГЭВЧ ШУДАРГА, САЙХАН ТВ АВЧ ЯВНА ГЭДЭГ НАМХАН НУРУУНД МИНЬ АХАДСАН ДЭНДҮҮ ТОМ АЧАА БАЙСАН. ХҮН МУУЛАХГҮЙ БОЛОХООР ХААЛТЫН ГЭРЭЭ МАНАЙХЫГ Л ТОЙРНО. ТАРХИЙГ НЬ УГААЖ БАЙГАА АРД ТҮМНИЙГ ОЮУНЫ ХУВЬД ХҮЧИРХЭГ БОЛГОНО ГЭХЭЭР ЗАХИАЛГААР БҮГДИЙГ “МИАЛДАГ” НЭРТ НИЙТЛЭЛЧ НЬ “ЗУРАГТААР СОЁН ГЭГЭЭРҮҮЛНЭ ГЭЖ ЮУ БАЙДАГ ЮМ БЭ” ХЭМЭЭН УУЛЗАЛТАНД ОЛНЫ НҮДЭН ДЭЭР ЧИЧИХ. НЯМ ГАРИГТ АМАРЧ ҮЗЭЭГҮЙ 6 ЖИЛ БОЛОВ. СОЁН ГЭГЭЭРҮҮЛЭХ АЖИЛ ХҮНД БОЛОХООР ЗАЛУУ УРАН БҮТЭЭЛЧИД ЗУГАА ЦЭНГЭЛЭЭ ХӨӨХ ГЭЭД ЗУГАТЧИХНА. БОДЛОГО МААНЬ ХҮЧЭЭ АВААД ИРЭХЭЭР МҮОНТВ.ИЙН НЭГ ДАРГА АЖИЛТНУУДАА “TА НАР ТӨРӨӨС ӨЧНӨӨН ТЭРБУМ ТӨГРӨГ АВЧ БАЙЖ ХЭДХЭН ХҮНТЭЙ СОЁН ГЭГЭЭРҮҮЛЭГЧ ТВ.Г ГҮЙЦЭХГҮЙ БАЙНА” ГЭЖ ЗАГНАХАД ЗАГНУУЛАГСАД НЬ ЗАГНУУЛСАН ШАРАНДАА “ТЭР ХИШИГСҮРЭН ЧИНЬ ЖОЛООЧОО ХҮРТЭЛ ӨӨРӨӨ ХИЙДЭГ ГЭЭ БИЗ ДЭЭ” ХЭМЭЭН ТАВЛАСАН ТУХАЙ ТЭНДЭЭС МАНАЙД АЖИЛД ОРОХООР ИРСЭН УРАН БҮТЭЭЛЧ ЯРИХ. ИНГЭЭД “БАГА ХУРАЛДАЙ” БОТИУДАА ХЭВЛҮҮЛСЭН МӨНГӨӨР ӨӨРТӨӨ ГАНЦ ДААШИНЗ АВЧ ЧАДАЛГҮЙ ШИНЭ НЭВТРҮҮЛЭГ ХИЙГЭЭД Л ДУУСГАЧИХНА. ЭНЭ ЗАМ ДЭНДҮҮ ХҮНД. ОЛОН ШӨНӨ УЙЛДАГ БАЙЛАА. ОДОО Ч УЙЛМААР Л БАЙНА. ГЭВЧ БИ ЭХ ОРОНДОО ДЭНДҮҮ ХАЙРТАЙ, ЭНЭ МОНГОЛДОО БҮХНЭЭ ЗОРИУЛНА. НЭГЭНТЭЭ Н.ЖАНЦАННОРОВ ГУАЙ “ЧИ БОЛ ЭХ ОРОНЧИЙН ЭХ ОРОНЧ” ГЭЖ ХЭЛЖ БАЙСАН. САЙХАН АРД ТҮМНЭЭ СУЛ ДОРОЙ БАЙХАД БИ ГУНДДАГ. САЯ ХҮҮХЭД НЬ АГУУ ТҮҮХЭЭСЭЭ УЛАМ ХОЛДОХООР ДОТОР БАЧУУРДАГ. САВАНГИЙН ДУУРЬ, АДИЛХАН МЭДЭЭГЭЭР ЦАГАА ДҮҮРГЭХ САЛБАРЫНХНАА ХАРААД УУР МИНЬ ХҮРДЭГ. ХАМГИЙН ГОЛ НЬ МАНАЙХААС ӨМНӨ БАЙГУУЛАГДСАН ГЭДЭГ ГАНЦХАН ҮЗҮҮЛЭЛТЭЭР ӨРГӨН НЭВТРҮҮЛГИЙН ТОДОТГОЛТОЙ ЛИЦЕНЗ АВЧ БҮХ КАБЕЛИАР МӨНГӨ ТӨЛӨХГҮЙ ЦАЦАГДАЖ БАЙГАА 15 ТВ.Д Л ДАВУУ ЭРХ ӨГСӨН ХХЗХ.НД ГОМДОЖ БАЙНА. КАБЕЛИЙН СУВГУУД НЬ “ТАНАЙХ ӨРГӨН НЭВТРҮҮЛЭГ Л БИШ БОЛ ГЭГЭЭРҮҮЛЖ БАЙНА УУ, ХОРДУУЛЖ БАЙНА УУ ПАДЛИЙ БАЙХГҮЙ” ГЭХ. УГ НЬ ХЭДЭН ЖИЛИЙН ӨМНӨ ЭНЭ БАЙДЛЫГ ХАЛАХ ГЭЖ НЭГ ҮЗСЭН. БҮХ ТВ.Г НЭГЭН ГАРААНААС ЭХЛҮҮЛНЭ ХЭМЭЭН СҮР ДУУЛИАНТАЙ ТЕНДЕР ЗАРЛАЖ, БИДНИЙ МАТЕРИАЛТАЙ ХАЙРЦАГНУУДЫГ БҮГДИЙНХ НЬ НҮДЭН ДЭЭР ЗАДАЛЖ, НОЙРГҮЙ ХОНУУЛАН БАЙЖ, ХАМАГ НУУЦЫГ МААНЬ ЦААСАН ДЭЭР БИЧҮҮЛЖ АВСАН ТУХАЙН ҮЕИЙН ХХЗХ ГЭНЭТ Л ТАГ БОЛСОН. НӨГӨӨХ ОН ЖАВЫН ЯЛГААНААС БОЛЖ АЗ ШҮҮРСЭН 15 СУВГИЙН ДАЛД ЭЗЭД ДЭЭГҮҮР НЬ ТАС ЗОГСООГОО БИЗ.ИНГЭЭД БҮХ ЮМ БАХЬ БАЙДГААРАА. ЭНЭ 15 ӨРГӨН НЭВТРҮҮЛГИЙН СУВАГ КАБЕЛЬ БҮРИЙН ЭХНИЙ АРВАН ХЭДЭН ТОВЧИН ДЭЭР БАЙРАА ЭЗЭЛСЭН Ч НИЙТЛЭЛ НЭВТРҮҮЛЭГ НЬ САЙНТАЙ МУУТАЙ Л БАЙГАА.. ТӨРИЙН АЖИЛ ИЙН ГАЦСАН Ч ЯДАЖ ХАМАГ БОДЛОГОО ДЭЛГЭСЭН МАТЕРИАЛАА ОЛЖ АВАХ ЮМСАН. ХУУЛЬ ЖУРМЫН ДЭЭР ЭХ ОРОН, ЁС СУРТАХУУН БАЙГАА ШҮҮ. ИНГЭЭД ӨЧНӨӨН АРВАН САЯ ТӨГРӨГ ТӨЛӨХ ГЭРЭЭ ХИЙН БАЙЖ ЮНИВИШН ХОЛБОЛТОО ХИЙЛЭЭ. ӨӨР ОЛОН КАБЕЛИУДЫН ГЭРЭЭ ДУУСЧ БАЙГАА. АРД ТҮМНЭЭ ҮНЭГҮЙ СОЁН ГЭГЭЭРҮҮЛЭЭД, ОЮУНЫ ӨМЧТЭЙ ОЛОН ОЛОН НИЙТЛЭЛ НЭВТРҮҮЛЭГ БЭЛТГЭН ТҮҮНИЙГЭЭ МӨНГӨ АВЧ БИШ САЯ САЯ САЯАР НЬ ТӨЛЖ ГАРГАДАГ МОНГОЛЫН ЁС БУС ЁС ХЭЗЭЭ ДУУСАХ ВЭ. ЯГ ҮНЭНДЭЭ МОНГОЛЫН ХЭВЛЭЛ МЭДЭЭЛЛИЙН ЯЛЗРАЛ 60 ТЭРБУМ, ЖДҮГ.ГЭЭС ТОМ БОЛЖЭЭ. БИ ЭРДЭМТЭН МЭРГЭДЭЭР ХҮРЭЭЛҮҮЛЖ, АРД ТҮМЭНДЭЭ ОЮУНЫ АСАР ИХ ХӨРӨНГӨ ОРУУЛАЛТ ХИЙЖ БАЙГАА СОЁН ГЭГЭЭРҮҮЛЭГЧ ТВ.ЭЭ ӨРГӨН НЭВТРҮҮЛГИЙН 15 СУВГИЙН НЭГД ОРУУЛМААР БАЙНА. БИДЭНД ҮНЭ ЦЭНЭТЭЙ АЛТАН ФОНД, ӨЧНӨӨН САЙН ҮЙЛДВЭРЛЭСЭН БҮТЭЭЛҮҮД БАЙГААГ ЭНЭ ХАВЧЛАГААС БОЛЖ ҮЗЭЖ ХАРААГҮЙ ДАВХАРГЫНХАНД ХҮРГЭМЭЭР БАЙНА.БИД ХИЙДГЭЭ ХИЙСЭН. БИД НЭХЭЖ БАЙГАА МӨНГИЙГ НЬ ӨГӨӨД ЯВЖ БАЙГАА Ч ИЙМ ЗҮЙЛД САЯ САЯЫГ ЦАЦАЖ БАЙХААР НЭГ ШИНЭ НЭЭЛТ, ХОСГҮЙ ТҮҮХ, ХЭРЭГТЭЙ МЭДЛЭГИЙН ТУХАЙ УРАН БҮТЭЭЛИЙГ ТЭР МӨНГӨӨРӨӨ ХИЙМЭЭР БАЙНА. ӨЧИГДӨР ЕРӨНХИЙ САЙД АНХ УДАА АРД ТҮМНИЙГ СОЁН ГЭГЭЭРҮҮЛЭХ АЖЛАА ТӨР ОРХИГДУУЛЖЭЭ ГЭЖ АЛБАН ЁСООР МЭДЭГДЛЭЭ. ЦАГААН САРААР ГАНЦХАН МАНАЙ ТВ Л ХОНОН ӨНЖИН БИЧИЖ, ХЭДЭН ЖИЛ ДАРААЛАН САР ШИНИЙН ӨДРҮҮДЭД ГАРГАСАН МОНГОЛ ТУУЛЬСИЙГ ЕРӨНХИЙЛӨГЧ ЖИЛ БҮРИЙН ШИНИЙН 3.НД ТӨРИЙН ХЭМЖЭЭНД ХАЙЛУУЛДАГ БОЛГОХ ЗАРЛИГ ГАРГАЛАА. ӨНӨӨДӨР АРД ТҮМНИЙ ДУНД БАЙНГЫН ӨНДӨР РЕЙТИНГТЭЙ ЯВАА С.ЖАВХЛАН ГИШҮҮНИЙ ГАНЦ ЯРЬДАГ ҮГ СОЁН ГЭГЭЭРҮҮЛЭХ. СОЁН ГЭГЭЭРҮҮЛЬЕ ГЭДЭГ ЯРИА УЛС ТӨРД МОДОНД ОРЛОО. ОДОО ХАРИН БОДИТООР СОЁН ГЭГЭЭРҮҮЛЖ БАЙГАА МОНГОЛЫН ЭРДЭМТЭН МЭРГЭДИЙН ОЮУНЫ ТӨВ БОЛСОН МАНАЙ ТВ.ИЙГ ДЭМЖЭЭД ӨГВӨЛ АРД ТҮМЭН БАЯРЛАНА. АРД ТҮМНИЙ ОЮУН САНАА УЛАМ ДОРОЙТВОЛ УЛС МОНГОЛ МИНЬ МӨХӨХ БИЛЭЭ. ГЭВЧ МАНАЙ АРД ТҮМЭН СОЁЛ ГЭГЭЭРЛЭЭР СЭРГЭН МАНДАНА.