Ц.Элбэгдорж, Х.Баттулга, Ч.Хүрэлбаатар, Ч.Сайханбилэг, С.Бямбацогт нарын 166 хүний нэрс ил боллоо

Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар хянан шалгах үүрэг бүхий Түр хороо өнөөдөр /2022.12.12/ хуралдаж, нотлох баримтыг шинжлэх нийтийн сонсголын товыг тогтоох, гэрчээр дуудах хүмүүсийн нэрсийг батлах зэрэг таван асуудлыг хэлэлцэн шийдвэрлэжээ.
>Түр хорооны сонсголыг 2023 оны нэгдүгээр сарын 16-20-нд, хоёрдугаар сарын 6-10-нд, гуравдугаар сарын 13-17-нд буюу гурван үе шаттайгаар явуулахаар болсон байна.
Хянан шалгах Түр хорооны дарга Б.Энхбаяр, хяналт шалгалтын ажлын цар хүрээ асар өргөн байгааг тайлбарлаж, одоогоор нэг сая гаруй гүйлгээг шалгаад байна гэлээ. Цаана нь ч шалгах шаардлагатай гүйлгээ, хэрэг учрал олон байгаа юм. Тийм учраас бүлэглэж, сонсголыг гурван үе шатанд хуваасан байна. Эхний эхний үе шатанд Хөгжлийн банкнаас санхүүжүүлсэн “шууд зээл”-ийн олголт, эргэн төлөлтийн байдал, зээл олгосон албан тушаалтан, зээлдэгчид болон хамаарал бүхий этгээдүүдээс гэрчийн мэдүүлэг авч, зээлийн ашиглалт, зарцуулалтын төлөв байдалд гаргасан хянан шалгагч, шинжээч нарын дүгнэлт, мэдээллийг сонсоно.

Хоёр дахь үе шатанд тус банкны эх үүсвэрээр улсын төсвөөс эргэн төлөгдөх нөхцөлтэй, хөрөнгө оруулалтын шинж чанартай төсөл, арга хэмжээ /355/-нд олгосон зээлийн ашиглалт, зарцуулалт, үр дүнгийн талаар мэдээлэл сонсож, банкны үйл ажиллагаанд эрх бүхий байгууллага, хөндлөнгийн хяналт шалгалтын болон олон улсын аудитын компаниудын өгсөн дүгнэлт зөвлөмж, үүрэг даалгаврын хэрэгжилтийн талаар мэдээлэл авч, холбогдох гэрчээс мэдүүлэг авах юм. Харин гурав дахь үе шатанд Хөгжлийн банкны эх үүсвэрээс арилжааны банкуудаар дамжуулан олгосон төсөл, хөтөлбөрийн зээлийн ашиглалт, зарцуулалт, үр дүн /2542/-тэй танилцаж, шаардлагатай гэрчийн мэдүүлэг авахын зэрэгцээ тус банкны бусдаас татан төвлөрүүлсэн хөрөнгийн удирдлага, зарцуулалт, ашиглалт, үр дүнгийн талаар хянан шалгагчийн мэдээлэл сонсож, нээлттэй сонсголын үр дүнг хэлэлцэн, цаашид авах арга хэмжээний тухай шийдвэрийн төслийг сонсоно.

Үндсэндээ Түр хорооны сонсголоор Хөгжлийн банкны бүхий л үйл ажиллагааг тэгээс нь эхлээд адаг хүртэл нь ярих боломж гарна гэж Хянан шалгах Түр хорооны дарга Б.Энхбаяр тайлбарлалаа. Ийм хэмжээний хянан шалгалт урьд өмнө Хөгжлийн Банканд огт хийгдэж байгаагүй. Тодруулбал, тус банкны зээл бүрийг, гүйлгээ бүрийн найдвартай, найдваргүйгээс нь үл шалтгаалан шалгаж, тухайн хөрөнгө зориулалтын дагуу зарцуулагдсан эсэх, хэрхэн гараад, юу болж хувирсан бэ гэдгийг нэг бүрчлэн шалгаж буй юм хэмээн тэрбээр ярив. Ингээд нотлох баримтыг шинжлэн судлах Түр хорооны сонсголд гэрчээр дуудах хүн, албан тушаалтны нэрсийг баталж тогтоол гаргав.

Тогтоолоор, ҮАБЗ-ийн шийдвэрээр 2012 онд байгуулагдсан Бодлогын зөвлөлийн бүрэлдэхүүн, улс төрд нөлөө бүхий хүмүүс, Хөгжлийн Банкны удирдлага, албан тушаалтнууд, зээлдэгчид, эцсийн өмчлөгч нар, хамаарал бүхий этгээдүүд зэрэг нийт 166 гэрчийг дуудаж асуухаар болжээ.

УЛСЫН ИХ ХУРЛЫН ХЯНАН ШАЛГАХ ТҮР ХОРООНЫ СОНСГОЛД ГЭРЧЭЭР ДУУДАХ ХҮМҮҮСИЙН НЭРС

/2012 онд байгуулагдсан Бодлогын зөвлөлийн бүрэлдэхүүн, тухайн үеийн албан тушаалаар/

УЛСЫН ИХ ХУРЛЫН ХЯНАН ШАЛГАХ ТҮР ХОРООНЫ СОНСГОЛД ГЭРЧЭЭР ДУУДАХ ХҮМҮҮСИЙН НЭРС

/Улс төрд нөлөө бүхий этгээд/

УЛСЫН ИХ ХУРЛЫН ХЯНАН ШАЛГАХ ТҮР ХОРООНЫ СОНСГОЛД ГЭРЧЭЭР ДУУДАХ ХҮМҮҮСИЙН НЭРС

/Хөгжлийн банкны албан тушаалтнууд/

УЛСЫН ИХ ХУРЛЫН ХЯНАН ШАЛГАХ ТҮР ХОРООНЫ СОНСГОЛД ГЭРЧЭЭР ДУУДАХ ХҮМҮҮСИЙН НЭРС

/Зээлдэгчдийн төлөөлөл/

У.ХҮРЭЛСҮХИЙН ҮГ ҮЙЛДЭЛ ХОЁР НЬ ХААНА ЯВААГАА НУУЛГҮЙ ХЭЛЖ ОРХИОД БАЙДАГ ЮМ Ийм л учраас Ерөнхийлөгчийг Онц байдал зарлаагүйд нь, УИХ, ЗГазарт энэ хулгайг шийдвэрлэхгүй бол огцруулах саналаа оруулна гэж шаардлага тавьсанд нь

Би мэддэг юм аа л бичдэг. Ойлгосон зүйлээ л дуугардаг. Сүүлийн үед нүүрсний хулгайн тэмцэл орон даяар өрнөж байна. Энэ тэмцэл бол шударга ёс, шударга төр, шударга шүүхийн төлөөх иргэдийн тэмцэл. Энэ тэмцлийг элдэв өөр будгаар будмааргүй байна. Элдэв өөр улс төр оруулмааргүй байна. Иргэдийн дуу хоолой тэмцэлд өнөөх л улс төрчид нь, олигархи луйварчид нь хутгалдаж нөлөөлмөөргүй байна.

Бас хэн нэгнээ намнах, гүжирдэн гүтгэх, эмх цэгцгүй болгомооргүй байна. Учир нь ийм шударга ёсны нэхэмжлэл дор иргэд тэр бүр ингэж нэгдээд байдаггүй. Нэгдсэн дээр нь зорилго доо эрүүлээр, бүтээлчээр хүрмээр байна. Ард түмэн эцэст нь хожиж. Хулгайчдад цээрлэл хүлээлгэж. Хулгай хийх боломж олгосон тогтолцоо, хуулийн өөрчлөлтөө хийгээд авмаар байна. УИХ-ын гишүүний бүрэн эрх, Гэмт хэргийн хөөн хэлэлцэх хугацаа, Хэрэг хялбаршуулах зэрэг Үндсэн хуулиар олгогдоогүй давуу эрхүүдийг үгүй хиймээр байна.

Ийм л учраас Ерөнхийлөгчийг Онц байдал зарлаагүйд нь, УИХ, ЗГазарт энэ хулгайг шийдвэрлэхгүй бол огцруулах саналаа оруулна гэж шаардлага тавьсанд нь. Алдарт Off Take гэрээг ил болгоод ард түмний алган дээр тавиад өгсөнд нь. Харин ч энэ хулгайн хаана нь У.Хүрэлсүх гэдэг хүн явааг нь олж харсан. Анхнаасаа У.Хүрэлсүхийг хулгайд алдагдсан олон уул ус, уурхай үйлдвэрийг улсдаа авч ирэхэд нь, Тост, Тосон бумба, Ноён уулын ан амьтан шиг тайтгарсан. Увс аймгийн газар нутгийн дайтай газар шороо Эх орондоо эргэж ирсэнд баярласан. Эрдэнэтийн 49 хувь, Оюутолгойн гэрээ, Бага нуур, Бор-өндөрийн уурхайн орд баялаг хамгаалагдсанд. Хөвсгөл, Орхон, Сэлэнгэ, Хэрлэн голуудыг хамгаалалтад авч ухсан газар шороог эдгээх гэж зүтгэж байгааг нь.

Хамгийн чухал нь ардчиллыг хамгаалдаг байр суурь Бид сонгодог парламентын засаглалыг сонгох ёстой гэсэн улс төрчийн үзэл бодол, хүсэмж тэмүүллийг нь. Монголчууд бид ШХАБ-д элсэхгүй гэж олон улсын тавцанд дуугарч чадсанд нь. Түүнийгээ хоёр хөршид ойлгуулж Монгол улсын эргэлзээтэй байр суурийг эцэслэж. Монгол улс бол ардчилсан улс биднийг аливаа цэрэг, улс төр, эдийн засгийн эвсэл бүлэгт элсэхийг битгий шахаарай гэж товч тодорхой хэлж чадсан үг үйлдлийг нь дэмждэг. Ер нь мань хүний үг үйлдэл хоёр нь тодорхой шулуухан мужик занг нь, тэсрэлттэй шийдвэр эрс тэсрэлттэй үйлдлийг хэдийнээ Монголчууд мэддэг болж орхиж.Нийтлэл: О.Түвшиндэмбэрэл Хураах Оросоогийн Түвшиндэмбэрэл