“СОЛОНГОС ЭМЭГТЭЙН ӨГЗГӨНД ХҮРСЭН ГЭХЭД СОЛОНГОСЧУУД ЯАЖ БАЙЛАА? ГЭТЭЛ МОНГОЛ ОХИН ТЭНД ХҮ.ЧИРХИЙЛҮҮЛЖ БАЙНА”
БНСУ-д дунд сургуульд сурдаг 13 настай монгол охиныг дээд ангийн дөрвөн эмэгтэй сурагч нийлж хү.чээр архи уулган, зургаан цагийн турш зодсон ноцтой хэрэг гарсан талаар тус улсын MBC телевиз мэдээлсэн.
Тэгвэл уг асуудлаар Хүний эрхийн төлөө тэмцэгч, “Далд хүн” хүний эрхийн байгууллагын үүсгэн байгуулагч Б.Ууганбаяр нэгдэж, дорвитой хариу арга хэмжээ авахыг олон нийт, бусад хүний эрхийн байгууллагууд болон төрийн байгууллагуудад уриалав.
Тэрбээр “Монгол Улс нь өөрөө хүнийхээ үнэ цэнийг байхгүй болгочихсон учраас гадны улсууд хүртэл дээрэлхэж байна.Солонгос эмэгтэйн өгзгөнд хүрсэн гэж бөөн юм болж байсан бол монгол нялх охин хү.чирхийлүүлж байхад бид арга хэмжээ авах хэрэгтэй. БНСУ-д үйл ажиллагаа явуулж буй хүний эрхийн байгууллагатай хамтарч ажиллана. Монгол Улсын Засгийн газар, Гадаад харилцааны яам энэ асуудал дээр анхаарлаа хандуулна уу” гэлээ.
