Н.БАТМӨНХ: НАМАЙГ ТӨРӨӨС ШАГНАНА ГЭХЭЭР БИ ИТГЭЭГҮЙ, 80 ХҮРСЭН ЭМЭЭ ХҮРТЭЛ НАДАД БЭЛЭГ ӨГСӨН

Өчигдөр хот тохижилтын гурван ажилтан Алтан гадас одонгоор энгэрээ мялаасан. Тэдний нэг Нийслэлийн “Хот тохижилтын газар” ОНӨААТҮГ-ын зам, талбайн үйлчлэгч Н.Батмөнх гуай юм.Тэрбээр өчигдөр Алтан гадас одонгоор энгэрээ мялаагаад, өнөөдөр эртлэн босож ажилдаа гарчээ.Н.Батмөнх гуай “Ард түмэндээ өглөөний мэнд хүргэе. Ямар сайхан халуун сэтгэлтэй ард түмнийхээ дунд амьдарч байгаагаа мэдэрч байна. Алтан хишгийн нулимс мөнхийн унаж байна.Намайг төрөөс шагнана гэхээр би итгээгүй. 80 хүрсэн эмээ хүртэл надад бэлэг өгсөн.Би улсад 44 жил ажиллахдаа цэрэг явлаа, уурхайчин явлаа. Ингэж баярлаж үзсэнгүй” хэмээн сэтгэгдлээсээ хуваалцлаа.