И.Мөнхсаруул:Нэрээ гурав шившээд сүүгээ уучихаад байвал бие сэтгэл засарна Ажил үйлс чинь бүтэхгүй байвал мандах нарандаа өргөл өргө

ИЧИННОРОВЫН МӨНХСАРУУЛ: АГУУ ЮМ ЭНГИЙНЭЭС Монгол хүний тэнгэр заяа гэдгийг алсаас хайх хэрэггүй юм. Аав ээжээс уламжлаад ирсэн аман сургаал, зүйр цэцэн үгс, ахуй амьдралдаа хэвшүүлээд ирчихсэн аяг жаяганд нь байж байдаг. Өөрийгөө бас өрөөлөөс хайх хэрэггүй юм, өссөн төрсөн, өндийж боссон, өеөдөж унасан алин боловч тэр л зам мөрт чинь бий. Харин түүнийгээ зөв харж тайлж чадаж байна уу. Сайныг нь үлгэр болгоод, саарыг нь сургамж болгоод авч чадах уу гэдгээс цаашдын хувь заяа чинь шалтгаалдаг. Эзэн хичээвэл заяа хичээнэ гэдэг. Энэ л сайн явах замыг заагаад дом болгоод ахуйдаа хадгалчихсан байдаг. Үр хүүхдээ төрөхөөс эхлээд дом заслыг нь аав ээж нь хийгээд ирсэн. Хүүхдийг нэхий өлгийдөө тосч, нэр өгөхөөс эхлээд бүгд дом. Нэрийг аав нь өгнө. Тэгэж байж өвөг дээдэс, өндөр тэнгэртээ даатгагдана. Нэрээ голж болохгүй, хагасалж дууддаггүй. Нэрээ эрхэмлэн дээдэлж, амь шигээ хайрлана.Нэрээ дааж алдрын зэрэгт хүрнэ. Нэр хугарахаар яс хугар гэдэг дээ. Хүүхэд угаах, хөлд оруулах, даахь үргээх бүгд дом засал. Гэр бүлийн хүрээнд маш ариун нандин хийх хэрэгтэй. Хүүхдийн хувь заяаг сэвтээхгүй билиг ерөөлийг бодож үйлднэ. Хүй дарсан чулуу гэдэг дээ. Эхэсийг гэрийн буйранд оршооно. Эмнэлгээсээ хэлээд авчих хэрэгтэй шүү. Хүйг мөн л төрсөн газарт үхэр чулуун дор долоон хомоолоор домнож оршооно. Зөвхөн өөрт нь хэлж зааж өгнө. Тэндээ очиж хөрвөөж хожим амьдралынхаа эрч хүчийг сэргээж байдаг. Төрсөн нутаг эх орноо хайрлах хайр эндээс эхэлнэ. Ингэж бат гагнаж иржээ. Уул ус нь үрээ таньж өргөж, хамгаалж байдаг. Тэр уул ус ариун дагшин байх тусам тэр хүн сайн явна. Гэрлэн бие дээр энэ эрчим сууж, хамгаалалт бүрхүүл үүсгэдэг юм шүү дээ.Долоон хүрдний гэрэл дээр тэнгэр, газрын эрчим нэмэгдээд 9 өнгийн солонгон бүрхүүл дотор хүн гэгч байдгаараа дээдийн хувь заяатай. Ялангуяа энэ жамыг мэдэж сахиж чаддаг Монгол хүн эгнэшгүй тэнгэрлэг. Сүр сүлд гэдэг чинь хүний дотоод хүч. Сэтгэлтэй нягт холбоотой. Сүнс бол чи байгаагийн утга учир. Өнөөдөр энэ мөнхийн утга учир болсон сүнсээ хаяж гомдоож байна. Бие нь бохирдоод ирэхээр сүнс зайлна, сүлд хазайна. Зөвхөн айж цочихоор л сүнс зайлдаг гэж ойлгодог. Сүнсэндээ бие гологдох нь их болж. Ар.хи да.рс уух, алив муу муухайг хэлэх, үйлдэх, ялангуяа газар лус хилэгнүүлэх гээд. Бумбын эрин, өндөр хэмжээст ертөнц рүү шилжсэн гээд ярьдаг. Тэгэхээр шүүлтүүр буюу шалгуур өсчихлөө гэсэн үг. Сүнсгүй бие нөгөө ертөнц рүүгээ л явна биз дээ. Эсвэл муу юманд эзлэгдэнэ. Энийг давах бэлтгэлийг бидний өвөг дээдэс аль эртнээс мэдээд бидэнд заагаад үлгэрлээд өгчихсөн. Ингэвэл болохгүй гэдгийг заагаад өгчихсөн. Харин өдгөө гажуудсан нь их байна. Засах ёстой юм.Монгол хүн тэнгэртэй гэдгийн учир нь өөрийгөө аваад явах чадлыг хэлдэг. Ил, далдын ямар ч шалгуурыг давах чадвар яс, цус, сүнсэнд нь бий. Энийг л сэрээх таниулах үйлийг 2012 оноос хойш бүтээж явна. Олон газар тэнгэрийн санаагаар үйл явагдаж байна. Дэлхий даяараа сэрж байна. Мухар сүсгээс ангижрах эрэлд гарсан. Гэгээрэл бодитой болж, олон мянгаараа ухаарч байна. Дом засал үүнд л хүч дэм өгөх ёстой юм. Засал домын дээд нь тэр хүнийг өөрийгөө засаад залаад аваад явчих чадварыг суулгах юм. Хүн бүртээ уулзвал барагдахгүй шүү дээ. Би ч бас өөрийгөө танихаас эхэлсэн. Сэрсэн гэх үү дээ. Хүн бүрт ийм боломж бий. Зөн билгээ нээх чадвар шүү дээ. Монгол хүний тэр тэнгэрлэг хувь заяаг гарт нь атгуулахсан. Сүнс сэрэх гэж яриад байгаа чинь энэ л эрх чөлөөгөө олж, энэ л мэдлэгээ өөрөө эзэмших явдал юм. Хүн үүнийгээ олоогүй байхад бусдаас дэм хүсч хүнээр заслаа хийлгэж, хүний л гарт орохоос өөр аргагүй шүү дээ. Өөрт нь чадна, дийлнэ гэсэн итгэл дутдаг. Учрыг нь тайлаад хэлээд өгөхөөр итгэлийн гал асдаг. Энгийн боловч хэдэн чухал зөвлөгөөг өгье. Галаасаа эхэл. Эцгээс гал дамжиж явна.Эцэг нь хүүдээ галаа таслаад өг. Бэр нь түүнийг манаад явна. Хүнээр тахиулж болохгүй. Заалгаж болно. Үе сүүлээр л тахьчихна. Үе сүүл, шар тос, арц ганга, аргал хомоолоо бэлдчих. Бор цай, будаагаа уул усандаа өргөчих, сүү, цайны дээжээ өвөг дээдэс, харсан даасан тэнгэртээ өргөчих, тавагтай идээгээ засаад халуун ам бүлээрээ цайлж дайлчих. Гэрийн эзэн арц ганга, шар тос, үе сүүлээ барьж байгаад өөрийн болон гэр бүлийн гишүүдийн овог нэрсийг хэлж таниулан, ерөөлөө хэлж өргөнө. Таван өнгийн хадгаараа хурайлан хишиг буянаа дуудаж болно. Энэ хадгаа авдрандаа эвхэж хадгална, дараа нь дахиад л дэлгэж буян хишгээ тосно. Орон сууцны айл бол хээр гарч галаа тахиж болох ба галаа манаж дуусган үнснээс нь дээжлэн авна. Үүнийг түгээл гэнэ. Түгээлээ гэртээ дом болгон гэрийн бэлгэдлийн тулгандаа хадгална. Үр хүүхдүүддээ түгээлээсээ тасдан өгч болно. Өргөл өргөх буюу бусдад сайныг хүсэх, сайхныг өгөхөд хүний хүрд зөв эргэж байдаг юм. Ауарагаа засна гэсэн үг.Мууг хэлээд, мууг үйлдээд, байнга л авахыг шунаад байвал сөрөг эргэнэ. Ийм л учраас өглөө бүр сүү цайны дээжээ өргөж, сайныг хэлж, амны билгээр явдаг юм шүү дээ Монгол хүн чинь. Дэлхий дахинд хүнд шалгуурууд тулгарч байна. Бидний өвөг дээдэс эртнээс урьтаж мэдээд тосож бэлдээд үлдээсэн тэр л буянаар бид сайн сайхан давчих гээд явж байна. Одоо талархал хайр энэрэл л хүмүүн бидэнд хэрэгтэй. Уул усаа хүртэл эзэнтэй болгоод эзэд нь тэнгэртээ тэтгэгдээд ирсэн тэр л их хүчээрээ үрс биднийгээ манаж байна. Нутаг нутгаа аргад. Айл гэр эхнэр нь нөхрөө, нөхөр нь эхнэрээ хүндэл. Үр хүүхдэдээ зөв үлгэрлэ. Бүгд өөрийн аягатай бол. Аягаар ил далд сэв ирдэг. Олбогтой болчих. Ноён нуруу тэгширдэг юм. Суудал сэнтий чинь хазайхгүй байж, нийгэмд эзлэх байр суурь чинь тэгш байна. Өөрийн орон зай зөв болно. Эсийг гийгүүлдэг эсгий гэж сайхан юм бий. Буяныг хотлуулдаг хонин сүргийн хишиг. Дээлээ өмс. Гэрлэн биеийг бүтэн болгодог, товч шилбэ нь хүртэл хамгаалалт болдог юм.Унаа хөлгөө ерөө, цагаалж бай. Босгоо сүүгээр цагаалаад байвал сэв хир нэвтэрдэггүй. Нэрээ гурав шившээд сүүгээ уучихаад байвал бие сэтгэл засарна. Гомдол дотор чинь горойгоод байвал саранд хэлээд ариусгачих. Ажил үйлс чинь бүтэхгүй байвал мандах нарандаа өргөл өргө. Бусдын сайхны төлөө өргөж байвал буян нь ахиу ирнэ дээ. Эх орон, эгэл түмнээ элгэндээ тээсэн хүний дотоод хүч буюу сүр сүлд нь өндөрт байдаг юм. Энэ агуу дөрвөн хайрхандөө өглөө бүр залбир. Хатан Туулаа магт. Байгаа байгаа газрынхаа уул усыг хүндэл. Байгал дэлхий ямар байгааг харж байгаа шүү дээ, эргэн тойронд юу болж байна. Та бидний ерөөл, энэрэл хайр, сайн сайхан эрчмэээр л муу юм тойрч, сайн сайхан ирнэ шүү дээ. Энгийн бөгөөд агуу энэ л хайраар Мөнх тэнгэртээ ивгээгдэж буй билээ бид. Ойлгохоосоо буруутгах нь их тул Гэгээнтэнийхээ энгүүн сайхан ярианаас товчлон ухаарах нэгэнд хэрэг болог гэсэн сэтгэлээр хүргэв. МӨНХТ ТЭНГЭР ИВГЭЭХ БОЛТУГАЙ.

ТАНД ТУСТАЙ ДАРААГИЙН ЗӨВӨЛГӨӨ ТУУЛАЙ ЖИЛ ?
Ямартаа ч АЗ ЖАРГАЛТ ЖИЛҮҮДИЙН НЭГ.
1. ГЭРЛЭЛТИЙН жил; 2. ГЭР бүлээрээ, ах дүү төрөл төрөгсдөөрөө амар амгалан харилцах, эвлэрэх, эвсэх жил;
3.УРТ УДААН БАЯР БАЯСГАЛАНТ АМЬДРАЛЫН мөн чанарын бэлэг тэмдэг;4. ЭЛБЭГ ДЭЛБЭГИЙН бэлэг тэмдэг;
5. АЗ ЖАРГАЛЫН бэлэг тэмдэг… гм6. ШИНЭийг таних мэдэхэд таатай жил;7. ТӨЛӨВЛӨГӨӨТ АЯЛАЛ ЖУУЛЧЛАЛд таатай жил;
8. ОРОН БАЙР, СУУЦАА шийдвэрлэхэд таатай жил гэнэ. copy Хүн бүр зурхайд итгэдэггүй ч зарим үед зурхай уншиж, сэтгэлээ засан багахан дэм авахыг хүсдэг хүн цөөнгүй. Ирэх онд ордуудын хувьд ямар үйл явдал хүлээж байгаа талаарх зурхайг хүргэж байсан бол энэ удаад РИА Новости агентлагт Оросын астрологич Юлия Рольникийн нийтлүүлсэн 12 жилийн зурхайг хүргэж байна.  Хулгана жилтэн

Төрсөн он: 1936, 1948, 1960, 1972, 1984, 1996, 2008, 2020
Хулгана жилтнүүдийн хувьд туулай жил аз жаргалтай мөч байна. Ажил мэргэжлийн хувьд өсөн дэвжих, амьдралаа сайжруулах боломжууд гарна. Ажил хэрэгтээ амжилтад хүрэхийн тулд шинэ зүйл суралцах ёстой.

Танд өөрийгөө болон чадвараа нээн гаргах боломж гарч ирнэ. Энэ оны таны хувьд материаллаг тал дээр таатай байна. Таны хичээл зүтгэл, нөр их хөдөлмөр үр шимээ өгч, таны орлого нэмэгдэнэ. Хувийн амьдралын тал дээр өнөөгийн харилцаагаа сайжруулах боломж гарна. Ганц бие хүмүүсийн хувьд хайр дурлалын харилцаа хүлээж байна.

Үхэр Төрсөн он: 1961, 1973, 1985, 1997, 2009, 2021 Үхэр жилд төрсөн хүмүүсийн хувьд Туулай жилд ажил, карьерт өөрчлөлт гарна. Таны цаашдын хувь тавилан ихээхэн шалтгаалах чухал сонголт хийх шаардлагатай болж магадгүй.

Оны хоёрдугаар хагаст мэргэжлийн үйл ажиллагаанд илүү таатай байна. Та хүчин чармайлтынхаа ачаар зорилгоо биелүүлж, амжилтад хүрнэ. Ирэх онд санхүүгийн хувьд таатай байна.

Та өөртөө илүү итгэлтэй болж, шинэ сонирхолтой хүмүүсийг өөртөө татна. Ирэх онд хайр дурлалын харилцаа үүсгэхэд таатай.

Бар

Төрсөн он: 1950, 1962, 1974, 1986, 1998, 2010, 2022
Бар жилтнүүд ирэх Туулай жилд аз одоор дүүрэн байна. Ирээдүйд том үсрэлт хийх гараа нь ирэх он байж магадгүй. Гэхдээ ажил, карьерын тал дээр хүндрэл гарахыг үгүйсгэх аргагүй.

Чухал шийдвэр гаргахын өмнө олон талаас нь сайтар тунгаан бодох хэрэгтэй. Туулай жилд стратеги төлөвлөлт хийх, шинэ төслүүдийг боловсруулахад таатай. Та зорилгодоо хүрэхийн тулд хичээл зүтгэлтэй ажиллах шаардлагатай болно. Оны сүүлд таны хүчин чармайлт үр шимээ өгч, та амжилтад хүрнэ.

Туулай

Төрсөн он: 1939, 1951, 1963, 1975, 1987, 1999, 2011, 2023

Ирэх он Туулай жилтнүүдийн хувьд тун чухал. Учир нь чухамхүү энэ онд цаашдын хувь тавилангаа тодорхойлох шийдвэрүүдийг гаргана. Энэ он амьдралын олон талбарт шинэчлэлийн жил байна.

Таныг хөгжих, урагшлахад саад болж буй зүйлсийг олж тогтооход тохиромжтой цаг. Түүнчлэн шинэ ажил үйлс, төсөл эхлүүлэх, эртнээс бодож байсан төлөвлөгөөгөө биелүүлэхэд таатай. Санхүүгийн тал дээр одоо байгаа хөрөнгө мөнгөө үрэн таран хийхгүй байх нь чухал. Төлөвлөгдөөгүй зардал гарах эрсдэлтэй.

Хувийн амьдралын тал дээр шинэ үйл явдлууд гаран. Ганц бие хүмүүс хайраа олох магадлалтай.

Луу

Төрсөн он: 1940, 1952, 1964, 1976, 1988, 2000, 2012

Луу жилд төрсөн хүмүүсийн хувьд ирэх жил холимог нөлөө үзүүлнэ. Багагүй хүндрэлийг даван туулах шаардлагатай болно. Гэхдээ цэцэн ухаан, зорилгодоо хүрэх тэвчээр гаргаснаар оны сүүл гэхэд та бүхий л сорилтыг давж чадна.

Ажил хэрэгт үүссэн асуудлыг шийдэхэд хамтын ажиллагаа, нөхөрлөл тус болно. Ирэх онд та бусдын тусламжгүйгээр аливаа хүндрэлийг даван гарч чадахгүй. Оны туршид орлого тогтвортой, зарим үед бага зэрэг өснө. Гэхдээ үүнийг дагаад зардал ч нэмэгдэж болзошгүй.

Хувийн амьдралын тал дээр ирэх онд олон өөрчлөлт гарах бөгөөд зарим тохиолдолд таагүй өөрчлөлтүүд ч гарч магадгүй.

Могой

Төрсөн жил:1941, 1953, 1965, 1977, 1989, 2001, 2013
Могой жилд төрсө хүмүүсийн хувьд ирэх он амьдралын бүхий л талбарт эерэг байна. Гэхдээ зарим талаар хүндрэлүүд гарч болзошгүй. Та үүнийг цэцэн ухаан, тэвчээр гаргаснаар сорилтуудыг даван туулж чадна.

Энэ онд идэвхтэй үйл ажиллагаа эрхлэхийн тулд илүү их эргэцүүлж, амжилтад хүрэхийн тулд хүлээх хэрэгтэй. Карьерын хувьд бүх зүйл таатай байхгүй ч нөр их хөдөлмөр, тэвчээр, сэтгэл хөдлөлөө барих чадварын ачаар та сайн үр дүнд хүрч, бусдаар хүлээн зөвшөөрүүлж чадна.

Хувийн амьдралын тал дээр хайртай болон дотны хүмүүстэйгээ маргалдаж, харилцаагаа муутгахгүйн тулд тэвчээртэй байж, уур бухимдлаа хянах хэрэгтэй

Морь

Төрсөн он: 1930, 1942, 1954, 1966, 1978, 1990, 2002, 2014

Морь жилтнүүдийн хувьд ирэх он тийм ч тайван жил болж өнгөрөхгүй. Гэхдээ тааламжтай нөлөөлөл сөрөг муу бүхнийг зөөллөж, хүндрэлтэй зорилтуудыг амжилттай шийдэх боломж өгнө.

Ажил дээр хүндрэл гарсан ч та хөдөлмөрч, хичээл зүтгэлийнхээ ачаар бусдын хүндэтгэлийг хүлээнэ. Ирэх онд ажлын хамт олонтой зөрчилдөх, хөндлөнгийн хүмүүсийн атаархалд өртөх магадлалтай.

Мөнгө санхүүгээ зарцуулахдаа болгоомжтой байж, луйварчдаас сэрэмжил.

Хонь

Төрсөн жил: 1931, 1943, 1955, 1967, 1979, 1991, 2003, 2015

Хонь жилтнүүдийн хувьд ирэх он бүхэлдээ таатай жил болно. Таны амьдралын бүхий л талбарт харьцангуй тогтвортой байдал ноёлно.

Ажил хэргийн тал дээр бүх зүйл эерэг байж, таныг удирдлага, нөлөө бүхий хүмүүс дэмжинэ. Ирэх онд олон сонирхолтой хүнтэй танилцана. Та шинэ төсөл эсвэл бизнес эхлүүлж магадгүй.

Ганц бие хүмүүс өөрт тохирсон хүнээ олж магадгүй.

Бич Төрсөн жил: 1944, 1956, 1968, 1980, 1992, 2004, 2016Бич жилтнүүдийн хувьд хүндхэн жил болж магадгүй. Гэхдээ хувь тавилангийн бүхий л сорилтыг давахад туслах эерэг үйл явдлууд ч олон гарна.

Ажил дээр олон зорилт шийдэх хэрэгтэй болно. Маргаан, зөрөлдөөнөөс зайлсхийхийн тулд хамт олонтойгоо харилцахдаа сэтгэл хөдлөлөө хянаарай. Өнгөрсөн үеийн алдаагаа эргэцүүлж, алдаагаа давтахгүйн тулд буруугаа хүлээн зөвшөөрөх хэрэгтэй. Ингэснээр та урагшилж, сайн үр дүнд хүрч чадна.

Санхүүгийн хувьд ирэх жил тогтвортой байна. Гэхдээ аливаа тохиолдолд хэмнэж сурах хэрэгтэй.

Тахиа

Төрсөн жил: 1945, 1957, 1969, 1981, 1993, 2005, 2017

Тахиа жилтнүүдийн хувьд ирэх он зөрчилдөөнтэй жил болно. Нэг талбарт ололт амжилт дүүрэн байх бол нөгөө талд алдагдал хүлээж магадгүй.

Ажил болон карьерын хувьд хүндрэл, бэрхшээл гарч болзошгүй. Та ажлаа алдах эсвэл орлого буурах эрсдэлтэй.Ажлын тал дээр илүү тэвчээртэй, хүлээцтэй байж, шинэ найз нөхөдтэй бол. Найз нөхөд болон ижил сэтгэлгээтэй хүмүүс таны ажил хэргийн асуудлыг шийдэхэд тусална.

Хайр дурлал, хувийн харилцааны тал дээр ирэх он ихээхэн амжилттай байна.

Нохой

Төрсөн жил: 1946, 1958, 1970, 1982, 1994, 2006, 2018
Нохой жилтнүүдийн хувьд ирэх онд олон эерэг өөрчлөлтүүд гарна. Гэхдээ санаа амарч, хэт тайван суух зав гарахгүй.

Ажлын тал дээр та үр бүтээлтэй, идэвхтэй байх бөгөөд үүнийхээ төлөө зохих шагналаа хүртэнэ. Ажлын хамт олонтойгоо харилцахдаа тайван, нөхөрсөг байгаарай, ингэснээр та маргаан зөрөлдөөн, илүүц хурцадмал байдлаас зайлсхийж чадна.

Санхүүгийн тал дээр хөрөнгө оруулалт хийхдээ болгоомжил, аз сорьсон алхам хийх хэрэггүй.

Хувийн амьдралын тал дээр бүх зүйл тааламжтай байна. Ганц бие хүмүүс өөрт тохирох хүнтэй танилцаж, гал халуун хайр дурлалын харилцаа үүсгэнэ.

Гахай  Төрсөн жил: 1947, 1959, 1971, 1983, 1995, 2007, 2019

Гахай жилтнүүдийн хувьд ирэх он амьдралын бүхий л талбарт аз одтой, тааламжтай байна. Хамгийн гол нь таны өмнө гарч ирсэн шинэ боломжуудыг алдахгүй ашиглах хэрэгтэй.

Карьер, ажил хэргийн тал дээр бүх зүйл тааламжтай байна. Ажил дээр сайн, итгэлт харилцаа, тааламжтай уур амьсгал ноёлно. Ажил дээр эерэг өөрчлөлт гарснаар таны орлого нэмэгдэнэ.

Ирэх онд та бусад хүмүүсээс илүү хайр дурлалын тал дээр азтай байна. Ганц бие хүмүүс хань ижлээ олох боломжтой.  Энэ жил та онцгой анхаарах шаардлагатай цорын ганц зүйл нь эрүүл мэнд. Тиймээс асуудалтай нүүр тулахгүйн тулд өнөөдрөөс эхлээд биеэ чийрэгжүүлэх, эрүүл мэндээ хамгаалах тал дээр анхаараарай.  Г.Бямбасүрэн