Ц.АНАНДБАЗАР ГЭМ НҮГЛЭЭ НАЙМАН ТЭРБУМААР ҮНЭЛЭВ…
УИХ-ын гишүүн Ц.Анандбазар Булган аймагт найман тэрбум төгрөгийн өртөгтэй үхэр шөргөөх суварга хандиваар барих гэнэ. Нутгийн иргэд “Наад суваргыг чинь чанаж идэхгүй, ажлын байр хэрэгтэй байна” хэмээн жагссан байх юм. Иргэдийн зөв шүү. Ц.Анандбазар сүм хийдэд мөргөдөг, лам багштай, бараг л гэгээрэх дөхсөн хүн гэдэг.
Гэтэл түүнийг тойроод хул.гай, ав.лига, албан тушаалын наймаа, хү.чингийн гэмт хэрэг хүртэл дуулдана. Ц.Анандбазар найман тэрбумаар суварга бариулах гэж буйг иргэд бурханыг ав.лигадах нь, найман тэрбумаар гэм нүглээ үнэлэв, их үнэ хүрэх гэм нүгэл үйлдэж дээ хэмээн хошигнон элэг доог хийж байна шүү. Тэр суваргыг Булганчуудын сайн сайханд бус өөрийнхөө гэм нүглийг цайруулж байгаа юм. Иргэдээ бодсон бол ажлын байр бий болгох ёстой хэмээн лоозон барин жагсчээ. Яалтай билээ.
