Отгонцэцэг: Кино гарч эхэлсний дараа “Орхидос”- т тоглосондоо харамсаж эхэлсэн
Гарамжавын Отгонцэцэг: Зураг авалт дуусч, кино гарч эхэлсний дараах үеүдэд “Орхидос”- т тоглосондоо харамсаж эхэлсэн Таны бүтээсэн дүрүүд маяг чимэггүй, яг л амьдрал дээр ийм хүнбайдаг шүү дээ гэсэн итгэл үнэмшил төрүүлж чаддаг. Жишээ нь “Орхидос”, “Аюултай харилцаа”-г нэрлэж болж байна. Яагаад ийм
үзэсгэлэнтэй эмэгтэй, тэгээд залуухан бүсгүй тэр аймаар дүрүүдийг зоригтой бүтээдэг юм бол. Та дүрийн санал аваад эргэлзэж байгаагүй юу.
Ихэнх бүсгүйчүүд масст таалагдах зан ааш сайтай, сайхан эмэгтэйн дүр хүсдэг байх?-Миний хамгийн анхны кино “Боолын гэрээ”-гийн Булгаагийн дүр байсан. Энэ дүрээрээ “Ulaanbaatar Movie
Awards”-аас шилдэг эмэгтэй жүжигчний шагнал авч байсан. Эерэг эмэгтэйн дүр л дээ. Энэ кинонд тоглосныхоо дараа буюу
“Орхидос” киноны саналыг кино фестиваль болохоос өмнө авсан байсан. Яг тэр үед “Хэрвээ надад жүжигчин хүний авьяас, ухаан гэж байдаг л юм бол “Орхидос”-ын ээжийн дүрийг хийх ёстой” гэсэн бодолөрсөн. Учир нь жүжигчний хувьд надаас маш их ур чадвар шаардсан хүнд, хэцүү дүр байсан. Анх зохиолоо уншихдаа Ханд гэдэг эмэгтэйн оронд өөрийгөө тавьж,
тэр эмэгтэйн зүрх сэтгэлийг мэдрэх гэж л төвлөрсөн. Уншиж дуусаад маш их уйлж байснаа санаж байна. Сэтгэл хөндүүрлээд, хэдэн өдөр хэцүү өнгөрсөн. Охиныг
– Г Отгонцэцэг
өрөвдсөн, тэр эмэгтэйг ч өрөвдсөн. Кинон дээр охин хохирогч мэт харагддаг боловч амьдрал дээр Ханд ч мөн том хохирогч шүү дээ. Гэтэл ингэж зориглож бүтээчихээд зураг авалт дуусч, кино гарч эхэлсний дараах үеүдэд “Орхидос”- т тоглосондоо харамсаж эхэлсэн. Хүмүүс намайг гудамжинд, зам гарах гээд зогсож байхад хүртэл
хажуугаар өнгөрөхдөө “Орхидос”-ын хойд ээж, балиар хүүхэн, заваан авгай, Хөөе орхидос оо, алуурчин гэж зүхэж, загнадаг болсон.
Сошиалд ч тэр, сайтуудад ч тэр үнэхээр муухай зүйлс их бичигдэнэ. Гудамжинд элдэв юм хум ч шидүүлж байсан. Ийм байдал байнга тохиолддог болсон болохоор эхний гурав, дөрвөн жил сэтгэл
санааны хувьд өөрт их хүнд байсан. Одоо бол арваад жил өнгөрсөн байна, мэдээж сэтгэл санааны байдал тайвширсан. Хүмүүс намайг хийсэн бүтээл, дүрээр маань дуудаж байна гэдэг муу зүйл биш юм байна.Жүжигчин хүнийхээ хийх ёстой ажлыг хийж, зорилгоо биелүүлсэн юм байна. Үзэгчдийн зүрх сэтгэлд хүрч чадсан юм байна гэж боддог болсон. “Нөгөө Орхидос чинь явж байна” гэдэг үгнээс одоо айхаа больсон /инээв/.
Би ер нь олон кинонд тоглоогүй ээ. Бодоод үзсэн энэ киног оруулаад найман кино л байна. Тэр дүрүүдээсээ бол амьдрал дээр би мэдээж өөр хүн. Зөөлөн, аливаад зүйлд уян хатан, бүх зүйлд бодитоор ханддаг.
