Uncategorized

ӨӨРИЙГӨӨ ҮНЭЛЭХ ҮНЭЛЭМЖИЙГ ДЭЭШЛҮҮЛЭХ 10 АЛХАМ

Өөртөө итгэх итгэл, өөрийгөө үнэлэх үнэлэмж бага байх нь ажлыг бүтээмж, амьдралын чанарыг а.лдагдуулж, олон боломжийг үгүй хийдэг. Өөртөө итгэх итгэл нь өөрийгөө эерэгээр үнэлж сурахаас эхэлдэг. Муу бодол санаанаасаа салах, өөртөө анхаарал тавих, зорилгоо тодорхойлох, аливаа зүйлийн эерэг талыг олж харах, шинэ зүйлийг туршиж үзэх зэрэг өөртөө итгэх итгэлийг нэмэгдүүлэх энгийн аргууд байдаг. Эдгээрээс дараах аргуудыг онцлон хүргэж байна. ӨӨРИЙГӨӨ ҮНЭЛЖ СУРАХЫН УЧИР Өөрийгөө үнэлэх үнэлэмж өөрсдийн талаарх бодлуудаас бүрддэг. Өөрийгөө үнэлж сурснаар өдөр тутмын амьдралдаа эерэг сонголт хийж, урам зориг, хүнд хэцүү нөхцөл байдлыг даван туулах чадвар нэмэгдэнэ. Хү.чирхийлэлд өртсөн хүмүүсийн 87 хувь нь өөрийгөө үнэлэх үнэлэмжгүй болдог. Өөрийгөө үнэлэхгүй байх нь таны сэтгэцийн эрүүл мэнд, гадаад төрх байдал, ирээдүйд хортой нөлөө үзүүлдэг.Өөрийгөө үнэлэхгүй байх дараах сөрөг үр дагваруудыг бий болгодог. Хүнд хэцүү нөхцөл байдлаас зайлсхийх Шүүмжлэлд мэдрэмтгий хандах Сэтгэл түгших Нийгмээс өөрийгөө тусгаарлах Өөртөө итгэх итгэлгүй болох Эдгээр сөрөг үр дагаврт хүрэхгүйн тулд юу хийх ёстой вэ? 1. ӨӨРИЙГӨӨ ШҮҮ.МЖИЛДЭГ, ӨӨРИЙН ТУХАЙ СӨРӨГ БОДЛУУДААСАА САЛАХ Өөрийнхөө чадварыг үнэлж сурах. Үүний тулд хамгийн сайн хийж чаддаг зүйлсээ жагсаан бич. Сэтгэл санаагаар унаж эхлэхдээ энэ жагсаалтаа харснаар өөрийгөө бодитоор үнэлж чадна. 2. ӨӨРТӨӨ АНХААРАЛ ТАВИХ Эрүүл хооллолт, дасгал хөдөлгөөн нь эндорфин буюу аз жаргалын гормон я.лгаруулж, эерэг сэтгэл хөдлөлийг бий болгодог. Дасгал хийснээр стрессээ тайлж, өөрийгөө илүү сайнаар мэдрэх боломжтой.3. ТАЙВШИР Байнга стресстэх нь өөрийгөө үнэлэх чадварыг бууруулахад тодорхой үүрэг гүйцэтгэдэг. Энэ нь сөрөг бодлуудын гинжин хэлхээг үүсгэж, нийгмийн харилцаанаас өөрийгөө тусгаарлах, дуртай зүйлээсээ ч залхах мэдрэмжийг төрүүлдэг. 4. ЗОРИЛГОО ТОДОРХОЙЛ Өдөр бүр цаг зав гаргаж, юунд хүрэхийг хүсч байгаагаа бодож үзээрэй. Дараа нь бодитой зорилго тавьж, гаргасан амжилт, ахиц дэвшлээ бичиж тэмдэглэснээр аливаа ажлыг эмхэлж цэгцлэхэд хялбар болдог 5. БУСДАД ТУСЛАХ Бусдад мэддэг зүийлийнхээ талаар зөвлөгөө өгөх, сайн сонсогч байх нь өөртөө итгэх итгэлийг нэмэгдүүлдэг. 6. АЛИВАА ЗҮЙЛИЙГ ОЛОН ӨНЦГӨӨС ХАРАХ “Би яагаад ийм байгаа юм бэ, энэ яагаад бүтэхгүй байна вэ, ЯАГААД, ЯАГААД ЯАГААД?” Бодож шаналлаа гээд гарц гаргалгаа гараад ирэхгүй. Харин үүний оронд “Би хичээхгүй л бол үүнийг хийж чадахгүй, сурч мэдэхгүй” гэж өөртөө сануулах нь тохиромжтой арга. Нөхцөл байдлыг илүү бодитоор харснаар бодит үр дүнд хүрнэ. 7. ШИНЭ ЗҮЙЛИЙГ ТУРШИХ Бидний тархи шинэ зүйл сурах тусам сэтгэн бодох чадвар нэмэгддэг. Хүн бүрт бүтээлч байдал хэрэгтэй. Цахим ертөнцөөс өөрийн оюуныг хөгжүүлэхэд туслах мэдээллийг олж сурах шаардлагатай эрин үед амьдарч байна.8. ЭЕРЭГ ХҮМҮҮҮСЭЭР ӨӨРИЙГӨӨ ХҮРЭЭЛҮҮЛ Өөрийгөө хүндэлдэг, анхаарал тавьдаг хүмүүсээр хүрээлүүл. Өөрийг чинь, үнэлж, хүндэлдэггүй хүмүүстэй байх нь цагийг дэмий зүйлд үрж байгаатай адил. 9. ӨӨРИЙГӨӨ ХҮЛЭЭН ЗӨВШӨӨР Хэн ч төгс биш. Бид бүгдээрээ асуудалтай, а.лдаа дутагдалтай. Алдаа гаргасан эсвэд дутагдалтай талаа хүлээн зөвшөөрч, хайрлаж сурах нь чухал. Учир нь эдгээр нь бусдаас өвөрмөц байдлыг бий болгодог. Өөрийгөө хүлээн зөвшөөрөх нь өөртөө итгэлтэй байхын түлхүүр юм. Хүмүүс магтаал, урмын үг хэлэхэд ичимхийрэн суухын оронд “баярлалаа” гэж сурах нь чухал. 10. ӨӨРТӨӨ ТААТАЙ МЭДРЭМЖ ТӨРҮҮЛДЭГ ЗҮЙЛСИЙГ ОЙ САНАМЖИНДАА ХАДГАЛАХ Хөгжилтэй, аз жаргалтай дурсамжуудаа үргэлж санан дурсахын тулд фото ашиглаж болно. Өөрийн өрөөгөө аз жаргалтай дурсамжуудаар дүүргэх боломжтой. Халаасандаа үргэлж камертай явдаг эрин үед амьдарч байна; Эдгээр дурсамжит агшнуудаа эргэн санаснаар; өөрийгөө үнэлэх үнэлэмж нэмэгдэнэ. Үе үе сөрөг мэдрэмж төрөлгүй яах вэ, харин энэ мэдрэмж удаан үргэлжлэх юм бол өөрийгөө үнэлэх чадвар буурахад хүрнэ.

ТАНД ТУСТАЙ ДАРААГИЙН ЗӨВӨЛГӨӨ ТУУЛАЙ ЖИЛ ?
Ямартаа ч АЗ ЖАРГАЛТ ЖИЛҮҮДИЙН НЭГ.
1. ГЭРЛЭЛТИЙН жил; 2. ГЭР бүлээрээ, ах дүү төрөл төрөгсдөөрөө амар амгалан харилцах, эвлэрэх, эвсэх жил;
3.УРТ УДААН БАЯР БАЯСГАЛАНТ АМЬДРАЛЫН мөн чанарын бэлэг тэмдэг;4. ЭЛБЭГ ДЭЛБЭГИЙН бэлэг тэмдэг;
5. АЗ ЖАРГАЛЫН бэлэг тэмдэг… гм6. ШИНЭийг таних мэдэхэд таатай жил;7. ТӨЛӨВЛӨГӨӨТ АЯЛАЛ ЖУУЛЧЛАЛд таатай жил;
8. ОРОН БАЙР, СУУЦАА шийдвэрлэхэд таатай жил гэнэ. copy Хүн бүр зурхайд итгэдэггүй ч зарим үед зурхай уншиж, сэтгэлээ засан багахан дэм авахыг хүсдэг хүн цөөнгүй. Ирэх онд ордуудын хувьд ямар үйл явдал хүлээж байгаа талаарх зурхайг хүргэж байсан бол энэ удаад РИА Новости агентлагт Оросын астрологич Юлия Рольникийн нийтлүүлсэн 12 жилийн зурхайг хүргэж байна.  Хулгана жилтэн

Төрсөн он: 1936, 1948, 1960, 1972, 1984, 1996, 2008, 2020
Хулгана жилтнүүдийн хувьд туулай жил аз жаргалтай мөч байна. Ажил мэргэжлийн хувьд өсөн дэвжих, амьдралаа сайжруулах боломжууд гарна. Ажил хэрэгтээ амжилтад хүрэхийн тулд шинэ зүйл суралцах ёстой.

Танд өөрийгөө болон чадвараа нээн гаргах боломж гарч ирнэ. Энэ оны таны хувьд материаллаг тал дээр таатай байна. Таны хичээл зүтгэл, нөр их хөдөлмөр үр шимээ өгч, таны орлого нэмэгдэнэ. Хувийн амьдралын тал дээр өнөөгийн харилцаагаа сайжруулах боломж гарна. Ганц бие хүмүүсийн хувьд хайр дурлалын харилцаа хүлээж байна.

Үхэр Төрсөн он: 1961, 1973, 1985, 1997, 2009, 2021 Үхэр жилд төрсөн хүмүүсийн хувьд Туулай жилд ажил, карьерт өөрчлөлт гарна. Таны цаашдын хувь тавилан ихээхэн шалтгаалах чухал сонголт хийх шаардлагатай болж магадгүй.

Оны хоёрдугаар хагаст мэргэжлийн үйл ажиллагаанд илүү таатай байна. Та хүчин чармайлтынхаа ачаар зорилгоо биелүүлж, амжилтад хүрнэ. Ирэх онд санхүүгийн хувьд таатай байна.

Та өөртөө илүү итгэлтэй болж, шинэ сонирхолтой хүмүүсийг өөртөө татна. Ирэх онд хайр дурлалын харилцаа үүсгэхэд таатай.

Бар

Төрсөн он: 1950, 1962, 1974, 1986, 1998, 2010, 2022
Бар жилтнүүд ирэх Туулай жилд аз одоор дүүрэн байна. Ирээдүйд том үсрэлт хийх гараа нь ирэх он байж магадгүй. Гэхдээ ажил, карьерын тал дээр хүндрэл гарахыг үгүйсгэх аргагүй.

Чухал шийдвэр гаргахын өмнө олон талаас нь сайтар тунгаан бодох хэрэгтэй. Туулай жилд стратеги төлөвлөлт хийх, шинэ төслүүдийг боловсруулахад таатай. Та зорилгодоо хүрэхийн тулд хичээл зүтгэлтэй ажиллах шаардлагатай болно. Оны сүүлд таны хүчин чармайлт үр шимээ өгч, та амжилтад хүрнэ.

Туулай

Төрсөн он: 1939, 1951, 1963, 1975, 1987, 1999, 2011, 2023

Ирэх он Туулай жилтнүүдийн хувьд тун чухал. Учир нь чухамхүү энэ онд цаашдын хувь тавилангаа тодорхойлох шийдвэрүүдийг гаргана. Энэ он амьдралын олон талбарт шинэчлэлийн жил байна.

Таныг хөгжих, урагшлахад саад болж буй зүйлсийг олж тогтооход тохиромжтой цаг. Түүнчлэн шинэ ажил үйлс, төсөл эхлүүлэх, эртнээс бодож байсан төлөвлөгөөгөө биелүүлэхэд таатай. Санхүүгийн тал дээр одоо байгаа хөрөнгө мөнгөө үрэн таран хийхгүй байх нь чухал. Төлөвлөгдөөгүй зардал гарах эрсдэлтэй.

Хувийн амьдралын тал дээр шинэ үйл явдлууд гаран. Ганц бие хүмүүс хайраа олох магадлалтай.

Луу

Төрсөн он: 1940, 1952, 1964, 1976, 1988, 2000, 2012

Луу жилд төрсөн хүмүүсийн хувьд ирэх жил холимог нөлөө үзүүлнэ. Багагүй хүндрэлийг даван туулах шаардлагатай болно. Гэхдээ цэцэн ухаан, зорилгодоо хүрэх тэвчээр гаргаснаар оны сүүл гэхэд та бүхий л сорилтыг давж чадна.

Ажил хэрэгт үүссэн асуудлыг шийдэхэд хамтын ажиллагаа, нөхөрлөл тус болно. Ирэх онд та бусдын тусламжгүйгээр аливаа хүндрэлийг даван гарч чадахгүй. Оны туршид орлого тогтвортой, зарим үед бага зэрэг өснө. Гэхдээ үүнийг дагаад зардал ч нэмэгдэж болзошгүй.

Хувийн амьдралын тал дээр ирэх онд олон өөрчлөлт гарах бөгөөд зарим тохиолдолд таагүй өөрчлөлтүүд ч гарч магадгүй.

Могой

Төрсөн жил:1941, 1953, 1965, 1977, 1989, 2001, 2013
Могой жилд төрсө хүмүүсийн хувьд ирэх он амьдралын бүхий л талбарт эерэг байна. Гэхдээ зарим талаар хүндрэлүүд гарч болзошгүй. Та үүнийг цэцэн ухаан, тэвчээр гаргаснаар сорилтуудыг даван туулж чадна.

Энэ онд идэвхтэй үйл ажиллагаа эрхлэхийн тулд илүү их эргэцүүлж, амжилтад хүрэхийн тулд хүлээх хэрэгтэй. Карьерын хувьд бүх зүйл таатай байхгүй ч нөр их хөдөлмөр, тэвчээр, сэтгэл хөдлөлөө барих чадварын ачаар та сайн үр дүнд хүрч, бусдаар хүлээн зөвшөөрүүлж чадна.

Хувийн амьдралын тал дээр хайртай болон дотны хүмүүстэйгээ маргалдаж, харилцаагаа муутгахгүйн тулд тэвчээртэй байж, уур бухимдлаа хянах хэрэгтэй

Морь

Төрсөн он: 1930, 1942, 1954, 1966, 1978, 1990, 2002, 2014

Морь жилтнүүдийн хувьд ирэх он тийм ч тайван жил болж өнгөрөхгүй. Гэхдээ тааламжтай нөлөөлөл сөрөг муу бүхнийг зөөллөж, хүндрэлтэй зорилтуудыг амжилттай шийдэх боломж өгнө.

Ажил дээр хүндрэл гарсан ч та хөдөлмөрч, хичээл зүтгэлийнхээ ачаар бусдын хүндэтгэлийг хүлээнэ. Ирэх онд ажлын хамт олонтой зөрчилдөх, хөндлөнгийн хүмүүсийн атаархалд өртөх магадлалтай.

Мөнгө санхүүгээ зарцуулахдаа болгоомжтой байж, луйварчдаас сэрэмжил.

Хонь

Төрсөн жил: 1931, 1943, 1955, 1967, 1979, 1991, 2003, 2015

Хонь жилтнүүдийн хувьд ирэх он бүхэлдээ таатай жил болно. Таны амьдралын бүхий л талбарт харьцангуй тогтвортой байдал ноёлно.

Ажил хэргийн тал дээр бүх зүйл эерэг байж, таныг удирдлага, нөлөө бүхий хүмүүс дэмжинэ. Ирэх онд олон сонирхолтой хүнтэй танилцана. Та шинэ төсөл эсвэл бизнес эхлүүлж магадгүй.

Ганц бие хүмүүс өөрт тохирсон хүнээ олж магадгүй.

Бич Төрсөн жил: 1944, 1956, 1968, 1980, 1992, 2004, 2016Бич жилтнүүдийн хувьд хүндхэн жил болж магадгүй. Гэхдээ хувь тавилангийн бүхий л сорилтыг давахад туслах эерэг үйл явдлууд ч олон гарна.

Ажил дээр олон зорилт шийдэх хэрэгтэй болно. Маргаан, зөрөлдөөнөөс зайлсхийхийн тулд хамт олонтойгоо харилцахдаа сэтгэл хөдлөлөө хянаарай. Өнгөрсөн үеийн алдаагаа эргэцүүлж, алдаагаа давтахгүйн тулд буруугаа хүлээн зөвшөөрөх хэрэгтэй. Ингэснээр та урагшилж, сайн үр дүнд хүрч чадна.

Санхүүгийн хувьд ирэх жил тогтвортой байна. Гэхдээ аливаа тохиолдолд хэмнэж сурах хэрэгтэй.

Тахиа

Төрсөн жил: 1945, 1957, 1969, 1981, 1993, 2005, 2017

Тахиа жилтнүүдийн хувьд ирэх он зөрчилдөөнтэй жил болно. Нэг талбарт ололт амжилт дүүрэн байх бол нөгөө талд алдагдал хүлээж магадгүй.

Ажил болон карьерын хувьд хүндрэл, бэрхшээл гарч болзошгүй. Та ажлаа алдах эсвэл орлого буурах эрсдэлтэй.Ажлын тал дээр илүү тэвчээртэй, хүлээцтэй байж, шинэ найз нөхөдтэй бол. Найз нөхөд болон ижил сэтгэлгээтэй хүмүүс таны ажил хэргийн асуудлыг шийдэхэд тусална.

Хайр дурлал, хувийн харилцааны тал дээр ирэх он ихээхэн амжилттай байна.

Нохой

Төрсөн жил: 1946, 1958, 1970, 1982, 1994, 2006, 2018
Нохой жилтнүүдийн хувьд ирэх онд олон эерэг өөрчлөлтүүд гарна. Гэхдээ санаа амарч, хэт тайван суух зав гарахгүй.

Ажлын тал дээр та үр бүтээлтэй, идэвхтэй байх бөгөөд үүнийхээ төлөө зохих шагналаа хүртэнэ. Ажлын хамт олонтойгоо харилцахдаа тайван, нөхөрсөг байгаарай, ингэснээр та маргаан зөрөлдөөн, илүүц хурцадмал байдлаас зайлсхийж чадна.

Санхүүгийн тал дээр хөрөнгө оруулалт хийхдээ болгоомжил, аз сорьсон алхам хийх хэрэггүй.

Хувийн амьдралын тал дээр бүх зүйл тааламжтай байна. Ганц бие хүмүүс өөрт тохирох хүнтэй танилцаж, гал халуун хайр дурлалын харилцаа үүсгэнэ.

Гахай  Төрсөн жил: 1947, 1959, 1971, 1983, 1995, 2007, 2019

Гахай жилтнүүдийн хувьд ирэх он амьдралын бүхий л талбарт аз одтой, тааламжтай байна. Хамгийн гол нь таны өмнө гарч ирсэн шинэ боломжуудыг алдахгүй ашиглах хэрэгтэй.

Карьер, ажил хэргийн тал дээр бүх зүйл тааламжтай байна. Ажил дээр сайн, итгэлт харилцаа, тааламжтай уур амьсгал ноёлно. Ажил дээр эерэг өөрчлөлт гарснаар таны орлого нэмэгдэнэ.

Ирэх онд та бусад хүмүүсээс илүү хайр дурлалын тал дээр азтай байна. Ганц бие хүмүүс хань ижлээ олох боломжтой.  Энэ жил та онцгой анхаарах шаардлагатай цорын ганц зүйл нь эрүүл мэнд. Тиймээс асуудалтай нүүр тулахгүйн тулд өнөөдрөөс эхлээд биеэ чийрэгжүүлэх, эрүүл мэндээ хамгаалах тал дээр анхаараарай.  Г.Бямбасүрэн

Related Articles

Back to top button
error: Content is protected !!