Д.Цогтбаатар талх 1200 төгрөг, дизель түлш 700 төгрөг гэж хэлээд хөөгджээ

Баянхонгорт Занданшатартай гар барих иргэд олдохгүй Баян-Өлгий рүү нисэж байсан онгоцын чиглэлийг өөрчлүүлж хотруу дутаасан бол Сүхбаатар дүүргээс сонгогдсон Д.Цогтбаатар талх 1200 төгрөг, дизель түлш 700 төгрөг, АИ92 бензин 5000 төгрөгний үнэтэй байгаа гэж хэлээд бас л хөөгджээ. Өлсөж бүсээ чангалж эхэлсэн баялагийн эзэд овоо ухаан ороо юу дааУИХ-ын гишүүд Үндсэн хуулийн нэмэлт өөрчлөлтийг ард нийтэд таниулах, сурталчлахаар нийслэл, орон нутагт ажиллаж буй. Харин УИХ-ын дарга Г.Занданшатар нар зөв тойрсоор өчигдөр уугуул нутаг болох Баянхонгор аймагт ажилласан билээ. Энэ үеэр нутгийн иргэд “Бид Г.Занданшатарыг сонгосондоо харамсаж байна. Иргэд ядуурлын туйлд хүрч, өнөө маргаашаа арай ядаж аргалж байхад МАН Үндсэн хууль яриад, хөрөнгө мөнгө зараад явж байна. УИХ-ын даргын хувьд нутагтаа бодитоор юу хийв. Гадныхан газар нутгийг маань сэндийчиж, ухаад дууслаа. Та хариуцлагаа хүлээ” хэмээн шаардаж, уриа лоозонтой угтан авсан байна.

Мөн шаардлага, асуулга тавиад байхад бултаж, ард түмнийг үл тоолоо гэх гомдол ч их байжээ. УИХ-ын дарга Г.Занданшатар ийнхүү нутагтаа очсон биш иргэдийн эсэргүүцэлтэй тулж, уулзалтын үеэр түүнийг, даргалж буй парламентыг нь шүүмжлэгсэд олон байжээ.

Сонгогдсон тойрог, төрөлх нутагтаа албан ажлаар очсон ч завсраар нь хэсэгхэн ч болов тухлах түүний санаа ийнхүү талаар болж, аргагүйн эрхэнд нийслэл рүү яаравчлан буцахаар шийдэж, Баян-Өлгий аймгаас Улаанбаатар чиглэлд нисэж байсан “Аэро монголиа” компанийн нисэх онгоцны маршрутыг өөрчлүүлж, Улаанбаатарт газардсан гэх мэдээлэл байна.https://newspress.mn/v1/%D0%9D%D0%B8%D0%B9%D0%B3%D1%8D%D0%BC/news/30233?fbclid=IwAR1z9Q86G6XQKqFtWAoyK6tFY9UvCljx0mRZPKnVxK65dXTXywlxFmfzHUo