Uncategorized

Э.Одзаяа Азийн тивийн АВАРГА БОЛЛОО

Ази тивийн “U17” насны аварга шалгаруулах тэмцээний охидын 69 кг жинд 2022 оны өсвөр үе, залуучуудын улсын аварга “Женко” клубийн тамирчин Эрдэнэбатын Одзаяа алтан медаль хүртэж Монгол Улсын алтан соёмбот далбаагаа мандуулж, төрийн дууллаа эгшиглүүлэв.Тэрбээр Бишкекийн дэвжээнд хэсэгтээ Узбекистаны Севинчой Полвоноваг 6:1-ээр, Энэтхэгийн Бадана Мансиг 10:0-ээр, хагас шигшээд эзэн орны Кайркул Шаршебаеваг 14:2-оор, алтан медалийн төлөөх барилдаанд Японы Харүка Кобарүг 17:9-өөр тус тус ялсан юм.Э.Одзаяагийн хувьд ДАШТ-ий нэг мөнгө, гурван хүрэл медальт, гавьяат тамирчин О.Насанбурмаагийн төрсөн эгчийнх нь охин юм байна. Гавьяат О.Насанбурмаа 2005, 2006 онд өсвөр үеийн Ази тивийн аваргаас алтан медаль хүртэж байсан бол 17 жилийн дараа нь дүү нь ийнхүү аварга болсон нь ховорхон тохиолдол юм.

Related Articles

Back to top button
error: Content is protected !!