Б.Цогтгэрэл Ерөнхийлөгч асан Ц. Элбэгдоржид ийн хаяглав

Ц.Элбэгдорж та Монгол Улсын найрсаг хөршүүдийг өдөөн хатгахаа болино уу Өвөр Монгол бол БНХАУ-ын дотоод асуудал юм. Та Ерөнхийлөгч байхдаа айлын талын дарга нарт ч үүнийгээ олон удаа нотлон ярьсан байх аа. Уулзалтын тэмдэглэл бүрийг гаргаж харвал “Нэг Хятад” ын бодлогын тухай удаа дараалан ч хэлсэн байх. Урд хилээ нээчих гээд Засгийн газар өдөр шөнөгүй ажиллаж байна. Таны энэ байр суурь Монголчуудын амьдралыг хангалттай хорлосон юм. Гавьяа болохгүй ч гай бололгүй хол бай.
Үүнээс гадна саяхан Украины ерөнхийлөгч Зелинскийг УИХ дээр мэдээлэл хийхийг уриалж байх юм.
Нэг мөр хойд хилээ хаавал түлш, эрчим хүчний томоохон асуудалд орно. Та тэр асуудлыг өнөөдөр бидэнд бие даан шийдэж өгч чадахгүй. ОХУ бол Монгол Улстай стратегийн иж бүрэн хугацаагүй түншлэлтэй найрсаг хөрш орон гэдгийг та мэднэ буйзаа. Та Монголыг хангалттай хорлосон. Буусан бол буусан шиг байж Монгол Улсын эв нэгдлийн илэрхийлэл байсан гэдгээ санаж Монгол Улсын томоохон улс төрч тул бидэнд гай бололгүй гадаад бодлогын асуудлаас хол байж өгч Монголын ард түмний ач буяныг хариулж өгнө үү! Энэ удаад аядуу зөөлөн байдлаар танд хандан бичиж байна. Монголд нэг үг бийдээ! “Нэг зангаараа байх” гэж. Та Ерөнхийлөгч байхдаа 2 хөрштэйгээ аядуу зөөлөн байсан шигээ нэг зангаараа байж хайрлана уу!